Hurriyyet.az "İnterfaks" agentliyinə istinadla xəbər verir ki, Gürcüstan parlamenti prezident seçkilərinin 14 dekabr tarixində keçirilməsini qərara alıb.
Parlamentin spikeri Şalva Papuaşvili bununla bağlı açıqlamasında deyib: "İlk dəfə olaraq ölkəmizdə prezident seçkiləri birbaşa səsvermə ilə deyil, seçicilər kollegiyasında keçiriləcək. Kollegiyada Acariya ilə Abxaziyanın, həmçinin yerli administrasiyaların ali şuralarının təmsilçiləri və deputatlar olacaqlar".
Spiker indiki Prezident Salome Zurabişvilinin altı illik səlahiyyət müddətinin dekabrın 16-da başa çatdığını, buna görə də, Konstitusiya tərəfindən nizamlanmış seçkilərin keçirilməsi zəruri olduğunu qeyd edib.
Hürr Tərcüman
