(®) PMD Projects və Design Bureau innovativ tikinti və layihələndirmə şirkəti Birləşmiş Ərəb Əmirliklərinin (BƏƏ) Dubay şəhərində Big 5 Global sərgisində iştirak edirlər.
Sərgidə şirkətlər layihələrinin geniş portfelini təqdim edir, potensial tərəfdaşları fəaliyyət istiqamətləri haqqında ətraflı məlumatlandırırlar.
Vahid pavilyon altında iştirak edən hər iki şirkət innovativ inşaat təcrübələrini genişləndirmək məqsədilə əməkdaşlıq imkanlarını araşdıraraq yeni beynəlxalq tərəfdaşlıqlar qurmağı hədəfləyirlər.
Qeyd edək ki, ümumilikdə 100-dən çox inşaat layihəsini həyata keçirən PMD Projects 2024-cü ildə “Zəfər” parkı, “Hilton Garden Inn” oteli, “SCANDENS PI” dərman zavodu, “Central Point” oteli, Ağdam şəhərində “İmarət” Kompleksi, “Ağdam Yaşayış Kompleksi” – Faza 1, “Paşa Bank”ın Şuşa filialı, “Kapital Bank”ın Zaqatalada ofisi və filialı kimi layihələrin icrasını həyata keçirib.
Cari il ərzində layihələndirilməsi Design Bureau tərəfindən aparılan Ağdam “İmarət” Stadionunun təməli qoyulub, ADA İbtidai Məktəbi layihələndirilib və müəllif nəzarəti altında tikilməsi həyata keçirilib. Şirkət tərəfindən ilkin konsepti hazırlanan “Aghdam City Hotel” fəaliyyətə başlayıb və “İmarət” Kompleksinin açılışı həyata keçirilib.
