“Milan”ın yarımmüdafiəçisi Kristian Pulişiç amerikalılara nümunə olmaq istədiyini bildirib.
Sportinfo.az UEFA-ya istinadən xəbər verir ki, 26 yaşlı futbolçu, amerikalı olduğu üçün fəxr etdiyini söyləyib:
“Amerikalı olduğum üçün həqiqətən fəxr edirəm. Ümid edirəm ki, mənim meydanda etdiklərim ABŞ-dakı uşaqları həqiqətən ruhlandırır və onlar deyirlər: “Bəlkə, Avropaya gedib eyni şeyi edə bilərəm”.
Avropada baxdığım amerikalılar var idi, lakin onların çoxu ən yüksək səviyyədə oynamadı.
İndi Avropa futbolunda getdikcə daha çox amerikalı meydana çıxır. Və bu idmanın ABŞ-da inkişaf etdiyini görmək mənim üçün xüsusi bir şeydir”.
Pulişiç 2024/2025 mövsümündə 16 oyun keçirib, 7 qol vurub və 5 məhsuldar ötürmə verib.
