İsrail ordusu Livanın cənubunda girişi qadağan edilən yaşayış məntəqələrini göstərən xəritə dərc edib.
İnterpress.az xəbər verir ki, bu barədə İsrail ordusunun sözçüsü Adrai X hesabında yazıb.
“İndiki mərhələdə bu ərazilərin sakinlərinə növbəti xəbərdarlıq edilənə qədər evlərinə qayıtmaq qadağandır. Bu xəttin cənubuna gedən hər kəs özünü təhlükəyə atmış olar”, – Adrai qeyd edib.
Noyabrın 27-də Livanda atəşkəs razılaşması qüvvəyə mindikdən sonra bir neçə pozuntu qeydə alınıb. Şübhəli şəxslər yuxarıda qeyd olunan yaşayış məntəqələrinə keçməyə cəhd ediblər.
Xuraman Etibarlı
İnterpress.az
