Rusiya və Hindistan hərbçiləri müdafiə sektorunda əməkdaşlığı genişləndirmək barədə razılığa gəliblər.
“İki sahil” “Kommersant”a istinadla xəbər verir ki, bu barədə Hindistan Müdafiə Nazirliyi Moskvada keçirilən görüşün yekunları üzrə məlumat yayıb.
Hindistanın Rusiyadakı nümayəndə heyəti hərbi və hərbi-texniki əməkdaşlıq üzrə hökumətlərarası komissiya çərçivəsində hərbi əməkdaşlıq üzrə işçi qrupunun dördüncü iclasında iştirak edib. Görüş iki ölkə arasında uzunmüddətli strateji tərəfdaşlığın inkişafında mühüm mərhələ olub. Digər məsələlərlə yanaşı, qeyd olunur ki, tərəflər “iki qüvvə arasında əməliyyat əməkdaşlığı daha da gücləndirmək üçün birgə təlimləri genişləndirmək” barədə razılığa gəliblər.
