Ötən gecə Çempionlar Liqasında “Real Madrid” “Enfild”də “Liverpul”a 2:0 hesabı ilə uduzub.
İndex.az xəbər verir ki, Madridlilər matçın 61-ci dəqiqəsində penalti qazanıb. Penalti zərbəsini yerinə yetirən Kilian Mbappe qapıçı Kelleheri keçə bilməyib.
Son zamanlar performansı ilə tənqid hədəfinə çevrilən Mbappe üçün matçdan sonra Ançelotti açıqlama versə də, İspaniya mətbuatı işlərin gözlənildiyindən daha mürəkkəb olduğunu iddia edir.
“Fichajesdə” çıxan xəbərə görə, Ançelotti Mbappenin transferinə çox təəssüflənir. İtaliyalı çalışdırıcı “Real Madrid”in zəif çıxışının əsas səbəbinin fransız futbolçunun gəlişi olduğunu düşünür. Statistikaya əlavə olaraq, onun müdafiə işlərində iştirak etməməsi və lider kimi meydanda məhdud təsiri balanslı və rəqabətədavamlı komanda yaratmağa üstünlük verən menecer üçün məyusluq yaradıb.
