Çinin şimal-şərqindəki Heilongjiang əyalətinin inzibati mərkəzi olan Xarbin şəhərində "Böyük Buz və Qar Dünyası" adlı mövsümi əyləncə parkının tikintisinə start verilib.
Hafta.az-ın yazdığına görə, dünən başlanılan tikinti işləri çərçivəsində parkın ərazisinə 10 aydan artıq saxlanılan buz blokları gətirilib.
Park rəhbərliyinin sözçüsü Yanq Liu bildirib ki, buz konstruksiyalarının cəlbediciliyini təmin etmək üçün istifadə etməzdən əvvəl onlar qalınlığı, uzunluğu, bütövlüyü və təmizliyi baxımından diqqətlə yoxlanılacaq.
“Böyük Buz və Qar Dünyası”, hər qış çox məşhur olan mövsümi əyləncə parkıdır.
Parkın tikintisinə 10 mindən çox buz qurucusu və minə yaxın mexaniki avadanlıq cəlb olunacaq.
Məlumata görə, dekabrın ortalarına qədər ziyarətçilər 1 milyon kvadratmetrlik buz və qar parkının mənzərələrindən həzz ala biləcəklər.
