Krasnodar vilayətinin başçısı Veniamin Kondratyev öz teleqram kanalında iki rayona pilotsuz təyyarənin hücumu barədə məlumat verib.
O qeyd edib ki, pilotsuz təyyarələr Slavyansk-na-Kuban şəhərinə və Krasnoarmeyski rayonuna hücum edib. Slavyansk-na-Kubanda pilotsuz təyyarənin fraqmentləri şəxsi evin həyətinə düşüb. Nəticədə bir qadın xəsarət alıb. Hazırda ona tibbi yardım göstərilir.
Krasnoarmeyski rayonunda dronun parçaları Çiqrin fermasında evə ziyan vurub. Qubernator əlavə edib ki, ölən və xəsarət alan yoxdur.
//Samir Qurbanov, Editor.az
