...Rusiya Federasiyası Təhlükəsizlik Şurası sədrinin müavini, "Vahid Rusiya"nın sədri Dmitri Medvedevin etibarlı nümayəndələri Böyük Britaniyada onun üçün yeni yaxta alıblar.
SİA-nın xarici qaynaqlardan əldə etdiyi məlumata görə, 2024-cü ildə İngiltərənin Plimut şəhərindəki Princess Yachts tərsanəsində inşa edilən gəminin dəyəri 4,3 milyon dollar (indiki məzənnə ilə təxminən yarım milyard rubl –A.B.) təşkil edib.Gömrük məlumatlarına görə, “Hurry Up” adlı yaxta bir neçə ay əvvəl Rusiyaya gətirilib.
...Deməli, vasitəçi Marinepoint şirkəti, alıcı Medvedevin sinif yoldaşı İlya Eliseyevlə əlaqəli Milli Dəniz Proqramlarına Dəstək Fondudur.
Qeyd edək ki, sonuncu eks-prezidentin, yəni Medvedevin “pul kisəsidir” və onun aktivlərini idarə edir.
Deyim ki, bunu kmən yox, o vaxt Aleksey Navalnı iddia edirdi.
İddialara görə, 2023-cü ildə Milli Dəniz Proqramlarına Dəstək Fondu 2,3 milyard rubl məbləğində "ianələr" alıb. Formal olaraq ona təhlükəsizlik şirkətinin əməkdaşı Dmitri Ustratov rəhbərlik edib. O, həmçinin fondun müşahidə şurasına rəhbərlik edən Eliseev olan Alter investisiya və maliyyə şirkətində baş direktor vəzifəsini tutur.
...Guya xeyriyyə təşkilatının internet saytı yoxdur. Və mediada fondun fəaliyyəti haqqında yeganə qeyd olunan qayıq motoru, on kayak, Xerson vilayətinin Geniçesk şəhərindəki gənc dənizçilər klubu üçün humanitar yardımın göstərilməsi ilə bağlı xəbərlərdir.
Maraqlıdır ki, Medvedev bu ölkəni mütəmadi olaraq Rusiyanın “düşmən”i adlandırmasına baxmayaraq, “donanmasını” Böyük Britaniyadan gələn yaxta ilə doldurmağa qərar verib.
Əvvəllər o, Londona nüvə bombası atmağı təklif edən Rusiya Xizək Yarışları Federasiyasının prezidenti Yelena Vyalbeni dəstəkləyərək, "lənətə gəlmiş anqlo-sakson itlərinin adasını dərhal batırmağın" daha yaxşı olacağını qeyd etmişdi.
...Ey gidi dünya..?”
Əli Babayev
