Xalq artisti Aygün Kazımovanın yayımlandığı gündən hitə çevrilən "S.O.S” mahnısı aylardır gündəmdən düşmür.
Gundem.az xəbər verir ki, klipi Türkiyədə çəkilən mahnı tək Azərbayvanda yox, dünyanın bir çox yerində tanınıb və sevilib. Belə ki, Türkiyə bir neçə Avropa ölkəsindən olan blogerlər zaman-zaman Kazımovanın mahnısını müzakirə ediblər.
Mahnını ilk dəfə eşidən əcnəbilərin maraqlı reaksiyası diqqət çəkib.
Cimmi, Brak və Yoşi adlı türk yutuberlər isə mahnı haqda danışarkən "Azərbaycanın musiqi kraliçasıdır. Böyük bir ulduzdur" deyə, Kazımova haqqında fikirlərini bölüşüb. O, ekran işinin rejissoru Selim Akardan danışarkən ilk dəfə Azərbaycan mahnısı dinlədiyini və çox bəyəndiyini vurğulayıb. Pop kraliçanın görünüşünə heyran qalan yutuberlər klipin ssenarisini də bəyəniblər.
Naci Yaşar adlı daha bir yutuber də "S.O.S"u dinlədiyini və bəyəndiyini vurğulayıb.
Avropada yaşayan yutuber isə mahnını dinləyərkən əyləndiyini nümayiş etdirib.
Qeyd edək ki, "S.O.S"un klipi Türkiyədə lentə alınıb. Klip yutubda 29 milyondan çox izlənilib.
