Avropa İttifaqı və Ukrayna G7 sazişi çərçivəsində Rusiyanın dondurulmuş aktivlərindən əldə edilən mənfəətlə ödənilməli olan 18,1 milyard avro məbləğində kreditin verilməsinə dair anlaşma memorandumu imzalayıb. Bu barədə Avropa Komissiyasının sədr müavini Valdis Dombrovskis bildirib.“Mən Ukrayna ilə Aİ adından Ukraynaya təcili ehtiyaclarını ödəməyə kömək edəcək 18,1 milyard avro dəyərində anlaşma memorandumu imzalamaqdan şərəf duyuram. Bu, Rusiyanın dondurulmuş aktivlərindən əldə edilən gəlirlərdən istifadə etməklə Ukraynaya dəstək olmaq üçün G7 təşəbbüsünün bir hissəsidir”, - deyə o, X-də yazıb.
