Yaponiyanın Kindai Universitetinin alimləri ağrıların idarə edilməsində əsaslı kəşf ediblər. Hüceyrə yapışma molekulu 1-i (CADM1) hədəf alan yeni antikor olan 3E1, yan təsirləri və uzun müddətli ağrı kəsici təsiri ilə diqqət çəkir.3E1 antikoru sinir hüceyrələrinin səthində tapılan CADM1 zülalını hədəf alaraq yalnız həssas sinirlərə təsir göstərir.Tədqiqat qrupu bu antikorun ağrı siqnallarını ötürən sinirlərin fəaliyyətini yatıra biləcəyini ortaya qoyub.Kindai Universiteti Tibb Fakültəsindən Prof. Akihiko Ito və Dr. Fuka Takeuçinin rəhbərlik etdiyi araşdırma nəticələrini Life Sciences elmi jurnalında dərc edib.Tədqiqat çərçivəsində siçanların dərisinə 3E1 antikoru yeridilmiş və antikorun yalnız dəri altındakı hiss sinirlərində lokallaşdırıldığı müşahidə edilmişdir.Kimyəvi səbəbli ağrı testlərində 3E1 tətbiq olunan siçanların ağrı ilə əlaqəli davranışlarına nəzarət qrupu ilə müqayisədə əhəmiyyətli dərəcədə azaldığı müşahidə edilib. Bu təsirlər indiki lokal anesteziklərdən xeyli uzun, 24 saata qədər davam edib.Araşdırma qrupunun fikrincə, 3E1-in ən mühüm üstünlüklərindən biri onun motor sinirlərə heç bir mənfi təsirinin olmamasıdır.Siçanlar üzərində aparılan təcrübələrdə müəyyən edilib ki, antikor iflic və ya davranış anomaliyasına səbəb olmayıb, ancaq ağrı hisslərini sıxışdırıb.Osteoartrit və xroniki ağrıları müalicə etmək üçün son illərdə hazırlanmış antikor əsaslı dərmanlar ciddi yan təsirlərə görə məhdud müvəffəqiyyət qazanmışdır. Bununla belə, 3E1 motor sinirlərinə təsir etmədən və zəhərli təsirlər yaratmadan təhlükəsiz alternativdir.Tədqiqatçılar antikorun insanlarda istifadəyə uyğun olması üçün daha uzunmüddətli təsir göstərən versiyaları üzərində işlədiklərini bildiriblər. Bu yeni müalicə üsulu xroniki ağrı və digər ağrı ilə əlaqəli vəziyyətlər üçün ümid vəd edir.
