Mövsümə ardıcıl 5 məğlubiyyətlə başlayan “Kəpəz”də Adil Şükürovu sentyabr ayında Azər Bağırov əvəz edib.
Məhz onun gəlişindən sonra transfer siyasətinin düzgün müəyyənləşdirilməsi yaxşı mənada təsirini göstərməkdədir.
Xüsusən kollektiv daxilində yaratdığı xoş əhval-ruhiyyə haqda xoş danışılır.
Portuqaliyalı qapıçı Rojerio Santos Sportinfo.az-a açıqlamasında Azər Bağırovun təyinatından sonrakı yeniliklər haqda danışıb:
“Məşqçiləri müqayisə etməyi sevmirəm. Çünki hər məşqçinin özünə görə oyun fəlsəfəsi var.
Baş məşqçimizin bizdən başlıca istəyi ürəyimizi meydanda qoymaqdır. Azərbaycan Premyer Liqası daha çox mübarizəli oyunu tələb edir.
Bunu bacaracaqsansa, nəticə qazanmaq asanlaşacaq. Azər Bağırov deyir ki, rəqibin adına baxmadan sona qədər döyüşmək lazımdır.
Mövsümün gedişində edilən transferlərlə heyətimiz genişlənib, komandamız daha da güclənib. Fikrimcə, bu amilin böyük rolu var”.
HƏBİB
