İngiltərənin "Aston Villa" klubunun qapıçısı Emiliano Martines UEFA Çempionlar Liqasında inanılmaz göstəriciyə imza atıb.
AZƏRTAC “Opta”ya istinadən xəbər verir ki, argentinalı qolkiper Liqa mərhələsinin geridə qalan 5 oyununda 25 zərbədən 24-nü dəf edib. O, qapısında cəmi 1 qol görüb.
Hazırda "Aston Villa" Çempionlar Liqasında 10 xalla turnir cədvəlinin doqquzuncu pilləsində qərarlaşıb.
Qeyd edək ki, Emiliano Martines 2023 və 2024-cü illərdə “Lev Yaşin” mükafatına layiq görülüb.
