(®) Ölkəmizin uğurla ev sahibliyi etdiyi Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) Azmade Group ekoloji təmiz məhsulu olan AAC “Gobustone” layihəsi ilə ölkəmizi təmsil etdi.
Şirkət bu qlobal tədbirin mühüm - "Davamlı Dünya" konsepsiyası çərçivəsində 2011-ci ildən "Yaşıl Sənaye"yə xidmət etdiyini bir daha nümayiş etdirərək tədbir çərçivəsində mühüm görüşlər keçirdi.
Tədbirdə Azmade Group-un İdarə Heyətinin sədri Emruz İsgəndərov dünya xalqları arasında “Yaşıl Sənaye” mövzusunda keçirilən müzakirələr zamanı COP konsepsiyası üzrə gələcək planların qurulması ilə bağlı maraqlı çıxışları ilə yadda qaldı.
Emruz İsgəndərov bildirib ki, müasir dövrümüzdə qlobal təşəbbüslər artıq vacib, hətta şərtdir: “Məqsədimiz yaşıl sənaye layihələrində həmrəylik nümayiş etdirərək “yaşıl tikinti”nin xüsusilə insan sağlamlığına, eyni zamanda iqtisadi faydalarını dünyaya çatdıraraq davamlı işlər görməkdir”.
Qeyd edək ki, Azmade Group əməkdaşları “Green Zone”da ölkəmizin yaşıl sənayesinin hər zaman dövlətimizin prioritet istiqaməti olduğunu nümayiş etdirərək, qonaqları ən son layihələrlə tanış ediblər.
COP29 uğur hekayəsi komanda işi idi, lakin həqiqətən də komanda deyil, böyük bir ailə oldu!
