DİN-in Baş Dövlət Yol Polisi İdarəsi Yevlax şəhəri ərazisində qeydə alınan yol-nəqliyyat hadisəsi ilə bağlı məlumat yayıb.
İdarədən APA-ya verilən məlumata görə, bu gün saat 10:50 radələrində Bakı-Qazax-Gürcüstan ilə dövlət sərhədi avtomobil yolunun 285-ci kilometrliyində, Yevlax şəhəri ərazisində “SCANIA” markalı, 90-JY-168 dövlət qeydiyyat nişanlı yük avtomobili eyni istiqamətdə hərəkətdə olan “Mercedes” markalı, 99-XA-830 dövlət qeydiyyat nişanlı avtobusla toqquşub. Nəticədə, avtobusda olan sərnişinlərdən bir nəfər xəsarət alıb. Hadisə yerinə DYP əməkdaşları cəlb olunub, faktla bağlı araşdırma aparılır.
***
11.44
Yevlaxda sərnişin avtobusu TIR-a çırpılıb.
APA-nın yerli bürosunun xəbərinə görə, hadisə Bakı-Qazax magistral yolunun Yevlax rayonu ərazisindən keçən hissəsində qeydə alınıb.
Gəncə-Bakı marşrutu üzrə hərəkət edən "Mercedes-Benz" markalı sərnişin avtobusunun TIR-la toqquşması nəticəsində bir nəfər xəsarət alıb. Onun xəsarəti yüngül olduğu üçün yerində tibbi yardım göstərilib.
Hər iki nəqliyyat vasitəsinə ziyan dəyib.
