"TRT World Forumu"nda yerli və xarici siyasətçilər, iş adamları, alimlər və jurnalistlər bir araya gələcək.
Bu il 8-ci dəfə keçirilən "TRT World Forumu" prezident Rəcəb Tayyib Ərdoğanın İstanbul Konqres Mərkəzində çıxışı ilə başlayacaq.
“Qırılma nöqtəsində olan dünya: Böhranların idarə olunması və transformasiya” mövzusu ilə 2 gün ərzində panel müzakirələri və dəyirmi masa görüşləri keçiriləcək.
Bu il dünyanın media sektorunda keçirilən ən böyük forum olan "TRT World Forumu"na 30-dan çox ölkədən 150 məruzəçi qatılacaq.
İqlim böhranından iqtisadiyyata, geosiyasətdən texnologiyaya, mediadan beynəlxalq hüquqa qədər gündəmdəki mühüm məsələlər müzakirə olunacaq.
Forumun önəmli iclaslarında Qəzzada davam edən soyqırımı da gündəmdə olacaq.
Bütün tədbiri internetdə canlı izləmək olar.
