Azərbaycan Basketbol Liqasında 2024/2025-ci illər mövsümünə elə də uğurlu başlamamış “Neftçi” komandasının yeni baş məşqçisi müəyyənləşib.
Arena.az xəbər verir ki, Bakı təmsilçisi iranlı mütəxəssis Omid Movahed Nejata həvalə edilib.
Bu barədə paytaxt klubunun mətbuat xidməti məlumat yayıb. Nehat bir müddət öncə öz istəyi ilə baş məşqçi postundan istefa vermiş Anar Sarıyevi əvəz edib. İranlı mütəxəssislə mövsümün sonunadək nəzərdə tutulmuş müqavilə imzalanıb.
Xatırladaq ki, Omid Movahed Nejat daha əvvəl də “Neftçi”də çalışıb. O, 2022/2023 mövsümünün ikinci yarısında komandaya başçılıq edib.
