Çempionlar Liqasının 5-ci turunda “Liverpul”la səfər oyunundan (0:2) qayıdan “Real”ın klub avtobusu yol-nəqliyyat hadisəsi ilə üzləşib.
Arena.az bu barədə “beIN Sports” dərgisinə istinadən məlumat verir.
Mənbənin məlumatına görə, “qaymaqlılar”ın avtobusu yük maşınının arxası ilə toqquşub. Nəticədə “Real”ın nəqliyyat vasitəsinin işıq faralarından biri sınıb, gövdəsi azca zədələnib. Bu qəzanın ciddi nəticələrə səbəb olmadığı vurğulanır. Amma İspaniya nəhənginin Liverpuldan Madridə səfəri bir qədər gecikmə ilə baş tutub.
Həmçinin vurğulanır ki, rəhbərlik və məşqçilər qərargahı bu qəzavü-qədərin, son vaxtlar zədələrlə üzləşmiş, idmani fəsadlar yaşayan kollektivə əlavə bədbin təsirinin qarşısını almaq məqsədilə, vəziyyətə dair ruhlandırıcı, nikbin yanaşma mövqeyi tutub.
