“Hayat Təhrir Əl-Şam” Hələb əyalətinin qərb hissəsindəki kənd yerlərini tam ələ keçirib.
İnterpress.az xəbər verir ki, bu barədə ərəb mediası məlumat yayıb. Bildirilir ki, “Hayat Təhrir Əl-Şam” Suriyanın Hələb əyalətinin qərb hissəsindəki kənd yerlərinin tam ələ keçirildiyini açıqlayıb.
Bunu etmək üçün silahlılara cəmi 36 saat lazım olub. Assosiasiyanın nümayəndəsi izah edib ki, bu, əməliyyatın yalnız birinci hissəsidir. Bundan sonra HTS və onun müttəfiq qrupları ərazini təmizləyəcək və buranı əvvəl tərk etmiş sakinləri evlərinə qaytarmağa çalışacaq.
Əsəd qoşunları indiyədək onların hücumunu dayandıra bilməyib. Yaraqlılar 24 saat ərzində İdlib və Hələb əyalətlərində ən azı daha on yaşayış məntəqəsini ələ keçirə biliblər.
Uğurlu əməliyyat fonunda türkyönlü “Süleyman Şah Diviziyası” qrupu Hələbin şimalında onlara qoşulmaq qərarına gəlib.
Yaraqlılar “ikinci cəbhə”nin açılması ilə bağlı müraciəti qeydə alıblar. Onların hədəfi Hələbin şərqindəki ərazilər olmalıdır.
Hətta internetdə Türkiyə əks-kəşfiyyatının işə icazə verdiyi barədə şayiələr yayılıb.
“Süleyman Şahın Diviziyası” xidmətdə olan kamikadze PUA-ların köməyi ilə Əsəd ordusuna başağrısı yarada bilər.
Xuraman Etibarlı
İnterpress.az
