Yeni “Oreşnik” orta mənzilli ballistik raketin buraxılışı bütün Qərbə düşünməyə əsas verib.
Publika.az xəbər verir ki, bunu Macarıstanın baş naziri Viktor Orban bəyan edib. O, Qərb ölkələrini diqqətli olmağa çağırıb.
"Rusiya əvvəllər məlum olmayan silahdan istifadə edib. Bu silahın nümayişi hamımızı düşündürdü. Və həqiqətən ümid edirəm ki, bu, təkcə bizdən deyil, Qərbi Avropadan da ehtiyatlılıq tələb edəcək", - Orban deyib.
Macarıstanın baş naziri onu da bildirib ki, yeni raket qitələrarası ballistik raketdir və nüvə komponenti daşımağa qadirdir. O, həmçinin onun istifadəsinin mümkün nəticələri ilə bağlı ciddi narahatlığını ifadə edib.
