Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 15-ci turunun növbəti oyunları keçiriləcək.
Arena.az xəbər verir ki, ikinci oyun günündə daha iki qarşılaşma baş tutacaq.
Günün ilk oyununda çempionatın autsayderlərindən olan “Şamaxı” və “Kəpəz” komandaları üz-üzə gələcəklər. Yeddi oyundur qələbəyə həsrət olan Ayxan Abbasovun komandası hazırda 13 xalla 7-cidir. 7 xalı olan “Kəpəz” isə sonuncu pillədə qərarlaşıb. Gəncə təmsilçisi səfərdə qələbə qazana bilsə, “Səbail”i qabaqlayaraq “zirzəmi”dən çıxmağa nail olacaq.
Günün digər oyunu “Zirə” ilə “Sumqayıt” arasında keçiriləcək. Rəşad Sadıqovun komandası son üç turda ardıcıl məğlubiyyətlərə üzülüb. Bu üzdən zirəlilər doğma meydanda uğursuz gedişata son qoymağa çalışacaqlar. Müvəqqəti baş məşqçi Vaqif Cavadovun rəhbərliyi altında yaxşı nəticələr qazanan “Sumqayıt” isə səfərdən ən azı 1 xalla qayıtmaq arzusundadır.
Premyer Liqa
15-ci tur
29 noyabr
“Araz-Naxçıvan” – “Turan Tovuz” 1:0
Qol: Felipe Santos, 75.
Hakimlər: Cavid Cəlilov, Kamran Bayramov, Müslüm Əliyev, Nicat İsmayıllı.
VAR: Rauf Cabbarov.
AVAR: Eyyub İbrahimov.
Hakim-inspektor: İmanxan Sultani.
Mərdəkan. “Dalğa Arena”. 16:00.
“Sabah” – “Səbail” 1:0
Qol: Coy Lens Mikels, 29.
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev.
VAR: Rauf Allahverdiyev.
AVAR: Rəhman İmami.
Hakim-inspektor: Ramil Diniyev.
“Masazır Arena”. 19:00.
30 noyabr
14:30. “Şamaxı” – “Kəpəz”
Hakimlər: İnqilab Məmmədov, Zöhrab Abbasov, Rahil Ramazanov, Əkbər Əhmədov.
VAR: Tural Qurbanov.
AVAR: Teymur Teymurov.
Hakim-inspektor: Əmrah İbrahimov.
Şamaxı şəhər stadionu.
17:00. “Zirə” – “Sumqayıt”
Hakimlər: Rəşad Əhmədov, Vüsal Məmmədov, Rəhman İmami, Elvin Bayramov.
VAR: Nicat İsmayıllı.
AVAR: Asiman Əzizli.
Hakim-inspektor: Ceyhun Haşımov.
Zirə İdman Kompleksinin stadionu.
1 dekabr
19:00. “Neftçi” – “Qarabağ”
Hakimlər: Əliyar Ağayev, Zeynal Zeynalov, Akif Əmirəli, Elçin Məsiyev.
VAR: Kamal Umudlu.
AVAR: Elşad Abdullayev.
Hakim-inspektor: Asim Xudiyev.
Bakı. “Neftçi Arena”.
