İsrail Müdafiə Qüvvələri Livanın cənubunda mülki əhalinin hərəkətinə qadağa qoyub.
Turkustan.az xəbər verir ki, bu barədə İsrail ordusunun ərəb mediası üzrə nümayəndəsi Aviçai Adrai noyabrın 30-da məlumat verib.
“Livan xalqına təcili müraciət: Növbəti xəbərdarlığa qədər sizə aşağıdakı kəndlərin və onların ətraflarının sərhədinə cənuba getməyiniz qadağandır: Şeba, Əl-Xəbariyyə, Mərcayun, Arnun, Yəhmar, Əl-Qantara, Çakra, Bəraşit, Yater, Əl-Mansuri”, - deyə o, "X" platformasında yazıb.
Livanlıların ölkənin cənubundakı 62 kəndə qayıtmamalı olduğu dəqiqləşdirilib.
Bildirək ki, noyabrın 27-də ABŞ prezidenti Co Baydenin İsrail və Hizbullah arasında atəşkəs elan edilməsindən bir neçə dəqiqə sonra İsrail Ordusunun Beyruta hava zərbələri endirdiyi təsdiqlənmişdi.
Aytən Yaşar/ Turkustan.az
