İkinci Fəxri xiyabanda şəhid polkovnik Nəbiyev Elçin Fikrət oğlunun və şəhid kapitan Bayramlı Cavid Əhliman oğlunun şəhadətlərinin üçüncü il dönümündə əziz xatirələri yad olunub.   Manset.az xəbər verir ki, Yasamal Rayon İcra Hakimiyyəti başçısı Elşad Həsənov, Yeni Azərbaycan Partiyası (YAP) Yasamal rayon təşkilatının sədri Bəxtiyar Nəbiyev, Milli Məclisin deputatı Göydəniz Qəhrəmanov, Yasamal rayon bələdiyyəsinin sədri Tahir Məmmədov, Yasamal Rayon İcra Hakimiyyətinin, Yeni Azərbaycan Partiyası (YAP) Yasamal rayon təşkilatının əməkdaşları, şəhidlərin ailə üzvləri, müharibə iştirakçıları və ictimaiyyət nümayəndələri şəhidlərin məzarlarını ziyarət edib, önünlərinə tər güllər düzüb, ruhlarına dualar oxuyublar. Şəhidlərin ailə üzvləri onlara göstərilən diqqət və qayğıya görə Prezident cənab İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını ifadə ediblər. Qeyd edək ki, şəhid Elçin Nəbiyev və şəhid Cavid Bayramlı 2021-ci il noyabr ayının 30-da Azərbaycan Respublikası Dövlət Sərhəd Xidmətinin (DSX) hərbi helikopterinin Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğraması nəticəsində şəhidlik zirvəsinə ucalmışdır. Prezident cənab İlham Əliyevin müvafiq Sərəncamlarına əsasən şəhadətlərindən əvvəl polkovnik Nəbiyev Elçin Fikrət oğlu “Azərbaycan Respublikası Silahlı Qüvvələrinin 90 illiyi”, “Azərbaycan Respublikası Silahlı Qüvvələrinin 95 illiyi”, II dərəcəli “Qüsursuz xidmətə görə”, III dərəcəli “Hərbi xidmətdə fərqlənməyə görə” və “Hərbi xidmətlərə görə” medalları ilə, kapitan Bayramlı Cavid Əhliman oğlu isə “Hərbi xidmətlərə görə” və “Zəngilanın azad olunmasına görə” medalları ilə təltif ediliblər. Allah bütün şəhidlərimizə rəhmət eləsin!

 

• Şəhid
• Xatirə
• Ziyarət
• Polkovnik
• Kapitan
• Fəxri Xiyaban
• Məzar
• Elçin Nəbiyev
• Cavid Bayramlı