Bu ilin yanvar-oktyabr aylarında Azərbaycana 28 milyon 593 min ABŞ dolları dəyərində gəmi, qayıq və üzən konstruksiyalar idxal edilib.
Dövlət Gömrük Komitəsindən Bakıvaxtı.az-a verilən məlumata görə , bu, ötən ilin eyni dövrü ilə müqayisədə 46 milyon 65 min ABŞ dolları və ya 61,7% azdır.
Bu dövrdə gəmilərin idxalı Azərbaycanın ümumi idxalının 0,17%-ni təşkil edib.
Qeyd edək ki, ötən il Azərbaycana 74 milyon 658 min ABŞ dolları dəyərində gəmi, qayıq və üzən konstruksiyalar idxal edilib.
Ötən ilin 10 ayında gəmilərin idxalı Azərbaycanın ümumi idxalının 0,53%-ni təşkil edib.
