71 yaşlı Əlişir Usmanov Beynəlxalq Qılıncoynatma Federasiyasının (FIE) prezidenti seçilib.
İdman.biz xəbər verir ki, Özbəkistan əsilli rusiyalı iş adamı 2008-ci ildən 2022-ci il martın 3-dək analoji vəzifədə olub. Daha sonra o, Aİ-nin sanksiyaları səbəbindən FIE-nin prezidenti vəzifəsinin icrasını könüllü olaraq dayandırıb.
Daşkənddə (Özbəkistan) keçirilən seçkilərdə Usmanov 120, isveçli rəqibi Otto Drakenberq isə cəmi 26 səs toplayıb.
Qeyd edək ki, oktyabr ayında Usmanov Paris-2024-də FIE-də “hakimlərin alınması sistemi” ilə bağlı Almaniyanın ARD telekanalına qarşı məhkəmədə qalib gəlib. Onun şəxsi sərvəti Forbes tərəfindən 13,4 milyard avro dəyərində qiymətləndirilir.
İdman.biz
