Lerik rayonunun Günəşli kəndi ərazisində yol-nəqliyyat hadisəsi baş verib.
Bizim.Media-nın yerli bürosu xəbər verir ki, Lənkəran-Lerik magistralında hərəkətdə olan avtomobilin aşması nəticəsində iki nəfər xəsarət alıb.
Qəzada Lənkəran rayon sakinləri, 1987-ci il təvəllüdlü Vüsal Azad oğlu Abıyev və 1981-ci il təvəllüdlü Ramin İsa oğlu Əliyev müxtəlif dərəcəli bədən xəsarətləri alıblar.
Hər iki yaralı Lənkəran Rayon Mərkəzi Xəstəxanasına çatdırılıb və onlara zəruri tibbi yardım göstərilib.
Hadisənin başvermə səbəbləri araşdırılır.
Sabutay Nağıyev, Bizim.Media, Cənub bürosu
