Suriya Silahlı Qüvvələrinin Həma əyalətinin şimalında fəaliyyət göstərən bölmələri üsyançıların irəliləməsinə mane olub.
“Report” xəbər verir ki, bu barədə Suriya Silahlı Qüvvələrinin baş komandanlığı ölkənin Müdafiə Nazirliyinin sosial şəbəkədəki səhifəsində dərc olunan bəyanatında bildirib.
Qeyd edilir ki, Suriya ordusu bir sıra əraziləri də nəzarətə götürə bilib.
Qalaat əl-Madiq və Maardas bölgələrində onlarla terrorçu məhv edilib, bəziləri qaçıb.
