Türkiyənin “Tabii” platformasında yayımlanan “Çırak” serialında Azərbaycanla bağlı daha bir səhnəyə yer verilib.
OLAY yazır ki, Ozan Akbabanın oynadığı obraz Elşən Orucovun canlandırdığı personaja zəng edir.
Bu zaman Elşənin səhnəsində Azərbaycanda olduğu qeyd edilir. Fonda isə Xalq artisti Azərinin “Çırpınırdı Qaradəniz” ifası səslənir.
Qeyd edək ki, sözügedən ekran işinin əvvəlki bölümlərində də musiqimizə yer verilib. Belə ki, ötən bölüm Elşən Orucovla Ozan Akbabanın obrazlarının görüşündə aşıq yaradıcılığına məxsus mahnı səslənib. Daha əvvəl isə Zamiq Hüseynovun “Ay Laçın” ifası bölümdə istifadə olunub.
