Vladimir Zelenski Kyodo-ya müsahibəsində Ukrayna Silahlı Qüvvələrinin itirilmiş əraziləri güc yolu ilə geri qaytarmaq üçün kifayət qədər resursunun olmadığını etiraf edib və bu məsələnin diplomatik həllinə ehtiyac olduğunu qeyd edib.
“Ordumuzun buna gücü çatmır. Bu doğrudur. Biz, həqiqətən, diplomatik həll yolu axtarmalı olacağıq” dedi.
Eyni zamanda, Zelenski əlavə edib ki, bu cür addımlar “yalnız Ukraynanın kifayət qədər güclü olduğunu bildikdə” hesab edilə bilər.
Bununla bağlı o, Ukraynanın NATO-ya üzv olmasının vacibliyini bir daha xatırladıb.
Bundan əvvəl Zelenski Fox News-a müsahibəsində etiraf etmişdi ki, Ukraynanın 1991-ci il sərhədlərinə çatmağa gücü yoxdur.
DOĞRU.AZ
