Naxçıvanda “Araz” superstore filialı istifadəyə verilib.
Açılış mərasimində Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli və şirkətimizin təsisçisi, baş icraçı direktoru Aydın Talıbov, "Araz Supermarket" şirkətinin Direktoru Rəşad İbrahimov, eləcə də bir sıra dövlət rəsmilərinin iştirak ediblər.
Onlara şirkətin fəaliyyəti və Naxçıvandakı gələcək planları barədə məlumat verilib.
"Qarşıdakı dövrdə Naxçıvandakı fəaliyyətimizi daha da genişləndirməyi və “Araz”ın bu regionda böyüməsini nəzərdə tuturuq. Bununla da “Araz” supermarketlər şəbəkəsi olaraq Naxçıvanın iqtisadiyyatına və əhalinin sosial rifahına öz töhfəmizi verməyə davam edəcəyik",- "Araz Supermarket" şirkətinin Direktoru Rəşad İbrahimov bildirib.
