Suriyadakı Rusiya qüvvələri Həma şəhərini tərk edib. Həmçinin Rusiya hərbçiləri və diplomatları təcili olaraq Dəməşqdən təxliyə edilir.
Qaziler.az bildirir ki, bu barədə RBC-Ukrayna Ukrayna Müdafiə Nazirliyinin Baş Kəşfiyyat İdarəsinə istinadən məlumat yayıb.
Kəşfiyyatın qeyd etdiyi kimi, müxalif qüvvələr aktiv şəkildə Suriyanın cənubuna doğru irəliləyirlər;
BKİ Rusiya qoşunlarının Həmadan qaçaraq Xmeymim bazasına təxliyə edildiyini bildirib. Rusiyalıların Xmeymimdə yerləşən koordinasiya qərargahının rəhbəri general-polkovnik Aleksandr Juravlyov vəziyyətin Bəşər Əsəd rejiminin nəzarətindən çıxdığını bəyan edib.
"İlk silahlı iğtişaş Dəməşqdə başladı - Rusiya hərbçiləri və diplomatları dərhal və təcili olaraq Suriyanın paytaxtını tərk etməyə başladılar", - hesabatda deyilir.
UBKİ əlavə edir ki, ruslar da Xan Şeyxun şəhərindəki hərbi bazadan qaçaraq orada xeyli silah və texnika arsenalını qoyublar. Dekabrın 1-də Rusiya aviasiyası Xan Şeyxun bölgələrinə zərbələr endirib.
Hücumda məqsəd artıq müxalif qüvvələrə qalan Rusiya texnikasını məhv etməkdir.
QAZİLER,AZ
