Gürcüstanda baş verən hadisələrdə “narıncı inqilab” həyata keçirmək cəhdlərinin bütün əlamətləri görünür və burada Ukrayna Maydanı ilə paralellik aparmaq olar.
Tezadlar.az xəbər verir ki, bu barədə Rusiya prezidentinin mətbuat katibi Dmitri Peskov brifinqdə jurnalistlərə bildirib.
"Yəqin ki, bizim çəkə biləcəyimiz ən birbaşa paralel Ukraynadakı Maydan hadisələri, narıncı inqilabı həyata keçirmək cəhdinin bütün əlamətləridir", - o deyib.
Bundan əvvəl Gürcüstanda Dövlət Təhlükəsizlik Xidməti məlumat vermişdi ki, Tbilisidə hökumət əleyhinə mitinqlər hakimiyyəti zorakılıqla ələ keçirmək cəhdidir.
Noyabrın 30-da baş nazir İrakli Kobaxidze bildirib ki, hakimiyyət Ukrayna Maydanında hadisələrin təkrarlanmasına imkan verməyəcək.
Xatırladaq ki, Tbilisidə etirazlar noyabrın 28-i axşam saatlarında baş nazir İrakli Kobaxidzenin Gürcüstanın Avropaya inteqrasiyası üzrə danışıqların 2028-ci ilə qədər dayandırıldığı barədə bəyanatından sonra başlayıb.
Hakimiyyət ölkə vətəndaşlarını dinc nümayişə çağırsa da, qısa müddət sonra aksiya zamanı ilk polisin yaralandığı məlum olub.
Noyabrın 30-na keçən gecə Tbilisidə yenidən kütləvi iğtişaşlar baş verib. Parlament binasına soxulmaq cəhdlərinin nəticəsiz qalmasından sonra etirazçılar Avropaya inteqrasiya əvəzinə ölkə üçün müstəqil kurs təklif edən hakim partiyanın ofisini ələ keçirmək qərarına gəliblər.
Dekabrın 1-i axşam saatlarında yüzlərlə insan yenidən Gürcüstan parlamentinin binası yaxınlığında toplaşıb. Təhlükəsizlik qüvvələri parlamentin divarları yaxınlığında sıranı tutub, etirazçıları geri itələyərək, onlar da öz növbəsində hüquq-mühafizə orqanlarının əməkdaşlarına şüşə, daş və fişəng atıblar.
E.ŞİRİNOV
