Müğənni və bəstəkar Elton Con görmə qabiliyyətini itirib. AFN.az xəbər verir ki, ifaçı bu barədə Londonda musiqisini yazdığı “The Devil Wears Prada” adlı müziklin premyerasında bildirib."Sky News" 77 yaşlı musiqiçinin sözlərindən sitat gətirib: "Mənim bir çox premyeralara getmək şansım olmadı, çünki bildiyiniz kimi, görmə qabiliyyətimi itirdim. Müzikli görmək mənim üçün çətindir, lakin mən onu dinləməkdən həzz alıram”.Sentyabr ayında Elton Con sosial şəbəkədə kəskin göz infeksiyası keçirdiyini, bundan sonra yalnız bir gözündə qismən görə bildiyini yazmışdı.Rolling Stone musiqi jurnalının məlumatına görə, Elton Con ən böyük musiqi sənətçiləri siyahısında 49-cu yerdədir. Yarım əsrdən çox davam edən karyerası ərzində o, 300 milyon nüsxədən çox satılan 30 studiya albomu buraxıb. Onun mükafatlarına beş Qremmi, iki Oskar və iki Qızıl Qlobus daxildir. 1994-cü ildə musiqiçi Rok və Roll Şöhrət Zalına daxil edilib.
