Türkiyədə şəhərlərarası sərnişin avtobusu yük maşını ilə toqquşub. Toqquşmanın təsirindən avtobusun sağ tərəfində böyük dağıntılar yaranıb.
News24.az xəbər verir ki, ətrafdakıların xəbəri üzərinə hadisə yerinə sağlamlıq, xilasetmə, polis və jandarma qrupları sövq edilib. Avtobusun içərisində sıxışan yaralılar çıxarılıb. Yaralılar təcili yardım maşınları ilə müxtəlif xəstəxanalara aparılıb.
Qeyd edək ki, qəzada 1 nəfər ölüb, 3-ü ağır olmaqla 20 nəfərin yaralandığı müəyyən edilib.
Günel Məlikzadə
