Ceko indidən ''Fənər''in tarixinə düşdü

Edin Ceko ''Fənərbaxça''da cəmi 2-ci mövsümünü keçirir.

Bosniyalı ulduzun martda 39 yaşı olacaq. Buna baxmayaraq o artıq indidən vurduğu qollarla klub tarixinin önəmli isimlərini yaxalayıb.

Məlum olduğu kimi Ceko ən son ''Slaviya'' ilə səfər oyununda fərqlənərək geridönüşün əsasını qoymuşdu. Bu, Cekonun İstanbul nəhənginin heyətində 19-cu avrokubok oyununda vurduğu 9-cu qol oldu. Bununla da Ceko klub tarixinin avrokuboklarda ən məhsuldar oyunçuları siyahısında Semih Şəntürk və Batşuayini yaxalayaraq 4-cü pilləyə yüksəldi.

Siyahıda Tuncay Şanlı ilə İrfan Can Kahveci 2-3-cü pillələri bölüşdürür. Onların aktivində 12 qol var. Lider isə 15 qolla Aleks de Souzadı. Ötən mövsüm superliqada 21 qol vuran və bombardirlər yarısında yalnız Mauro İkardidən geri qalan Ceko bu mövsüm 21 rəsmi oyunda 12 qol, 3 məhsuldar ötürmə ilə fərqlənib.

ƏLİ

• Fənərbaxça
• Şampiyon
• Avrokubok
• Football
• Edin Ceko