Vaşinqton Suriyada baş verənlərə görə ABŞ qüvvələrinin yerləşdirilməsinin dəyişdirilməsinə ehtiyac görmür.
Teleqraf.com xəbər verir ki, bu barədə Pentaqonun mətbuat katibi Patrik Rayder bildirib.
“Bildiyim qədər dəyişiklik yoxdur”, - deyə rəsmi söyləyib.
Rayder xatırladıb ki, İŞİD terror təşkilatı ilə mübarizə çərçivəsində əvvəllər Suriyada 900-ə yaxın ABŞ hərbçisi yerləşdirilib:
“O qüvvələr bir müddətdir Suriyanın şərq və şimal-şərqindədir. Yəni onlar Suriyanın şimal-qərbində, Hələb və Həmada baş verənlərə yaxın deyillər”.
Pentaqon rəsmisi ABŞ-ın hadisələri diqqətlə izləməkdə davam edəcəyini söyləyib.
Müəllif: Mənsur Rəğbətoğlu
