"Vest Hem"in baş məşqçisi Xulen Lopeteqi tezliklə istefaya göndərilə bilər.
90deqiqe.Az The Guardian”a istinadən xəbər verir ki, “Vest Hem” Lopeteqinin qovulması halında Serxio Konseysaonu təyin etmək imkanını nəzərdən keçirir. Artıq tərəflər arasında ilkin danışıqlarda aparılıb.
Qeyd edək ki, 50 yaşlı mütəxəssis hazırda işsizdir.
Əlavə edək ki, portuqaliyalı çalışdırıcı ötən mövsümün sonunda, 7 il rəhbərlik etdiyi "Portu"dan ayrılıb. Çərşənbə axşamı "Vest Hem" səfərdə "Lester"lə qarşılaşacaq. Görüş Bakı vaxtı ilə saat 00:15-də başlayacaq.“Çəkicçilər” 13 turdan sonra Premyer Liqanın turnir cədvəlində 14-cü yerdədir – komanda 15 xal toplayıb.
