"Çelsi"nin və Fransa millisinin keçmiş futbolçusu Frank Löbef qızı Ceyd Löbefin bloger fəaliyyətinə münasibətindən danışıb.
Publika.az xəbər verir ki, onun qızı bəzən öz səhifəsində olduqca açıq-saçıq postlar dərc edir ki, bu da futbol əfsanəsini sevindirmir:
“Mən Ceyd üçün narahat deyiləm, amma ona xəbərdarlıq edirəm. O, mənim çox təqdir etmədiyim bir iş görür. Qızımın məsləhətinə ehtiyacı olan insanlar varsa, onları sakitləşdirsə, yaxşı olar. Amma bütün bu bloq işi başımı bir az üstələyir, çünki bu, mənim nəslimin bir hissəsi deyildi. Mən ona deyirəm ki, "İstədiyini et, amma unutma ki, atan məşhurdur və sən həmişə Frank Löbefin qızı olaraq qalacaqsan.
Çılpaq bədənini görən media dərhal yazacaq: “Löbefin qızı soyundu”. Bununla belə, biz bu barədə tez-tez danışırıq. O, bunu niyə etdiyini mənə izah edir”.
Qeyd edək ki, Frank Löbef 1996-2001-ci illərdə “Çelsi”də çıxış edib. Əfsanəvi müdafiəçi “zadəganlar”la 2 dəfə Federasiya kubokunun, 1 dəfə Liqa kubokunun, İngiltərə Super kubokunun, UEFA kubokunu, UEFA Super kubokunu qazanıb. Fransa millisi ilə DÇ-1998 və Avro-2000-ni, 2001-ci ildə keçirilən Konfederasiyalar kubokunun qalibi olub.
Frank Azərbaycanın futbol tarixinə “Oser faciəsi” adı ilə düşən millimizin Fransa ilə görüşündə (0:10) dubl edib.
