Yaponiyadakı "Harry Potter" əyləncə parkında suvenir kimi satılan nüsxə qılıncların ölkədə silaha nəzarət qanununu pozduğu səbəbilə toplandığı bildirilib.Yaponiyanın “Asahi Shimbun” qəzetinin xəbərinə görə, “Warner Bros Studios”a məxsus “The Making of Harry Potter” adlı tema parkının internet saytında açıqlama verilib.Açıqlamada paytaxt Tokiodakı əyləncə parkında suvenir kimi satılan və ucu itiliyinə görə ölkədə silaha nəzarət qanununu pozduğu təsbit edilən 86 santimetr uzunluğundakı paslanmayan polad qılıncların "paylama problemi" səbəbindən toplandığı açıqlanıb.Bəyanatda nüsxə qılıncın “Harry Potter" film seriyasındakı Qodrik Qriffindor personajına aid qılıncın orijinal rekreasiyası olduğu vurğulanıb və məhsulları alan müştərilərdən şirkətlə əlaqə saxlamaları xahiş olunub.
