ABŞ Prezidenti seçilən Donald Tramp amerikalı biznesmen Massad Bulosu Ərəb və Yaxın Şərq məsələləri üzrə baş məsləhətçi vəzifəsinə nominasia etdiyini açıqlayıb.
Bulos Trampın qızı Tiffaninin qaynatasıdır. O, Trampın seçki kampaniyasının üzvü olub və kritik ştatlardan biri olan Miçiqanda Bayden admninstrasiyasının İsrailin Qəzza zolağı və Livanda militantlara qarşı hücumuna cavabından məmnun olmayan ərəb amerikalı icmaları cəlb etmək üzərinə çalışıb.
Tramp ötən ay keçirilən seçkidə ştatda qalib gəlib, 2020-ci ildə isə həmin ştatda Prezident Co Baydenə məğlub olmuşdu.
“Massad sövdələşmə insanıdır və Yaxın Şərqdə sülhün sarsılmaz tərəfdarıdır,” Tramp özünün Truth Social saytında yazıb. “O, Birləşmiş Ştatların və onun maraqlarının güclü müdafiəçisi olacaq və mən onun komandamızda olmasından məmnunam!”
Tramp bazar günü Kaş Pateli Federal Təhqiqatlar Bürosuna rəhbərlik etməyə nominasiya edib və onun “karyerasını korrupsiyanı ifşa etməyə, ədaləti müdafiə etməyə və Amerika xalqını müdafiə etməyə sərf edən parlaq hüquqşünas, müstəntiq və “Amerika Birinci” kampaniyasının mübarizi” olduğunu deyib.
44 yaşlı Patel Trampın ilk administrasiyasında müdafiə, kəşfiyyat və milli təhlükəsizlik sahələrindəki vəzifələrdə xidmət göstərib, amma Federal Təhqiqatlar Bürsonundakı “dərin dövlət”i təmziləməyi vəd etməklə onun növbəti icraçı direktor vəzifəsinə nominasiya olunub. O həmçinin Trampın rəqiblərinə, o cümlədən keçmiş və gələcək prezidentə qarşı təhqiqat aparan FBI agentləri, jurnalistlər və başqalarına qarşı cəza kampaniyası başladacağını bildirib.
Tramp ilk vəzifə müddətində Pateli FBI direktorunun müavini vəzifəsinə təyin etmişdi, amma o zaman baş prokuror, indi isə Trampın tənqidçisi olan Vilyam Barr bunun yalnız “mənim cəsədimin üstündən” ola biləcəyini demişdi.
Patel FBI-ın Vaşinqtondakı baş qərargahını bağlamağı və agentlərinin çoxunu daha çox kəşfiyyat toplama əməliyyatları başlatmaq əvəzinə, cinayətlə mübarizə aparmaları üçün ölkə daxilində başqa yerlərə göndərməyi vəd edib.
visiontv.az
