Səudiyyə Ərəbistanının Asiya ölkələrinə neft tədarükünün həcmi ənənəvi olaraq Rusiya neftini üstələyib.
Sfera.az xəbər verir ki, Asiya ölkələri Səudiyyə Ərəbistanından neft alışını artırır, Rusiyadan isə azaldır. Belə ki, son üç ayda fərqdə artım müşahidə olunub ki, bu da noyabrda xüsusilə nəzərə çarpıb.
Məlumata görə, Səudiyyə neftinin orta gündəlik ixracı oktyabrda 5,28 milyondan 5,83 milyon barelə yüksəlib, Rusiya nefti isə 3,96 milyondan 3,51 milyon barelə düşüb ki, bu da yanvar ayından bəri ən aşağı səviyyədir. Beləliklə, aylıq tədarüklərdə fərq 2,32 milyon barel təşkil edib.
Bu ildən əvvəl belə hal olmayıb. Rusiya neftinə görə xarici valyuta əldə etmək üçün yalnız Çin və Hindistana güvənir, Səudiyyə Ərəbistanı isə daha müxtəlif müştəri bazasına malikdir. Lakin hər iki əsas alıcı Yaxın Şərq neftini Rusiyadan üstün tutur. Belə ki, Çin sonuncu alışını 2,19 milyondan 2,04 milyona, Hindistan isə 1,75 milyondan 1,47 milyona endirib. Eyni zamanda, Çin Səudiyyə Ərəbistanı neftinin idxalını 1,62 milyondan 1,68 milyona, Hindistan isə 610 mindən 770 minə yüksəldib.
Rusiyanın tankerlərinə qarşı Qərbin sanksiyalarının sərtləşdirilməsi də prosesə öz təsirini göstərib. Keçən həftə Böyük Britaniya 30 gəmini qara siyahıya salıb və bununla da məhdudiyyətlər altında olan cəmi 73 tankerə çatıb. Yəni bundan sonra Rusiya üçün neft və neft məhsullarını çatdırmaq üçün gəmi tapmaq daha çətin olacaq.
Bundan əlavə, gələn il müştərilər üçün rəqabət güclənə bilər. 2024-cü ildə Asiyada neft istehlakı Beynəlxalq Enerji Agentliyinin və OPEC-in artım proqnozlarına baxmayaraq, bir il əvvəlkindən daha az olacaq. Bu ilin 11 ayında idxal sutkada 25,52 milyon barel təşkil edib ki, bu da ötən ilin eyni dövrü ilə müqayisədə 370 min barel azdır. Azalmanın əsas səbəbi iqtisadiyyatı yavaşlayan, daşınmaz əmlak bazarının böhran içində olan Çindən tələbin azalmasıdır. Eyni zamanda, ölkə elektromobillərin istehsalını və günəş enerjisi istehsalını sürətlə artırır.
Firuzə Əliyeva
Sfera.az
