"GiveMeSport" tarixin ən böyük futbolçularının reytinqini dərc edib.
Publika.az xəbər verir ki, siyahıda ilk yeri Pele tutur. Əfsanəvi braziliyalı tarixdə 3 dəfə dünya çempionu olan yeganə oyunçudur.
Argentinalı əfsanəvi Dieqo Maradona ikinci pillədə qərarlaşıb. Maradonanın əfsanəvi həmyerlisi, 8 dəfə “Qızıl top”un sahibi olan Lionel Messi isə "ilk üçlüy"ü tamamlayıb.
Tarixin ən yaxşı bombardiri portuqaliyalı Kriştiano Ronaldo reytinqdə dördüncü, “Barselona” və “Ayaks”ın əfsanəsi Yohan Kroyff isə beşinci yerdə qərarlaşıb.
"İlk onluq"da həmçinin Zinəddin Zidan, Mişel Platini, Ronaldo Nazario, Alfredo di Stefano və Frans Bekkenbauer yer alıb.
