Fransada büdcə böhranı ilə başlayan siyasi gərginlikdə diqqət Mişel Barnye hökumətinə səs veriləcək etimadsızlıq təklifinə yönələcək.
“Cebheinfo.az” xəbər verir ki, Fransa Prezidenti Emmanuel Makronun sözlərinə görə, Barnye hökuməti parlamentdə etimad səsverməsi ala biləcək.
Fransada ifrat sağçı lider Marine Le Pen və onun partiyası Milli Birlik solçu koalisiyanın bu gün təqdim etdiyi və hər iki qrup tərəfindən dəstəklənəcəyi təqdirdə keçəcək etimadsızlıq təklifinə səs veriləcəklərinə söz verib.
Büdcə müzakirələri zamanı ölkədəki siyasi böhran Fransanın Baş naziri Mişel Barnyerin tələblərinin demək olar ki, hamısını qəbul edən Le Pen, hökumətin pensiya artımlarını tənzimləməkdən imtina etməsi səbəbindən qanun layihəsini dəstəkləməyəcəyini açıqlayıb.
Barnye həmçinin bazar ertəsi sosial təminat qanun layihəsinin səsvermə olmadan qəbul edilməsinə imkan verən Konstitusiya mexanizmini işə salıb.
Milli Birlik iyun ayında keçirilən növbədənkənar seçkilərdə parlamentin aşağı palatasında ən böyük tək partiya oldu və Le Pen Parisdə ən nüfuzlu qüvvələrdən birinə çevrildi.
Bununla belə, Fransa Pezidenti Emmanuel Makron siyasətçilərin uçurumun kənarından qayıdacağına inandığını bildirib.
Makron fransalı deputatları şəxsi ambisiyalarını bir kənara qoymağa və hökuməti devirəcək, ölkəni siyasi qarışıqlığa sürükləyən səsvermədən imtina etməyə çağırıb.
Makron Səudiyyə Ərəbistanına səfəri zamanı jurnalistlərə bunu deyib:
"Siyasətçilərin özlərinə verməli olduqları yeganə sual, ölkə və Fransa xalqı üçün necə faydalı ola biləcəkləridir. Bu, onların öz ambisiyaları və ya bunun öz maraqlarına necə fayda verə biləcəyi ilə bağlı deyil. Mən onların təklifə səs verəcəyinə inana bilmirəm".
İqtisadçılarının fikrincə, “Le Pen Makrona istefa verməyə təzyiq etmək üçün siyasi sabitliyi xaosa qurban verə bilər”.
