“Bu il 100 məktəbəqədər təhsil müəssisəsində monitorinq aparılıb, yekun hesabat hazırlanır”.
“Apress.az” xəbər verir ki, bunu Təhsildə Keyfiyyət Təminatı Agentliyinin İdarə Heyətinin sədri Tural Əhmədov “Məktəbəqədər təhsildə keyfiyyətə yeni baxış” adlı II Beynəlxalq Konfransda deyib.
Onun sözlərinə görə, bu rəqəm 2023-cü ildə 50 olub: “Yekun hesabatlar hazırlanaraq, aidiyyəti qurumlara göndərilib. Tövsiyələr verilib”.
T.Əhmədov bildirib ki, məktəbəqədər təhsil uşaqların cəmiyyətdə öz yerini tapması üçün zəmin yaradır.
