Araşdırma: Gülnar Əhmədli, Banco.az
Banco.az Bakının 5 ulduzlu otellərində 2 nəfərlik otaqların qiymətini araşdırıb.
Araşdırmamıza görə, 5 ulduzlu otellərdə 2 nəfər üçün (1 gecəlik) minimal qiymət 180 manatdan başlayır. Buna yalnız otağın qiyməti daxildir. Səhər yeməyi üçün əlavə ödəniş edilməlidir. Qiymətlər dekabrın əvvəli üçün keçərlidir. Qarşıdan Yeni ilin gəldiyini nəzərə alsaq, qiymətlərin bahalaşacağını deyə bilərik. Dekabrın əvvvəli olmasına baxmayaraq, bəzi otellərdə artıq otaqlar dolmağa başlayıb. Odur ki, minimum 15-20 gün öncədən rezervasiya etmənizi məsləhət görürük. Həmçinin, qiymətlər daha uzun aralıqlar üçün daha ucuz təklif edilir. Yəni, dekabrın 20-i üçün otağı, dekabrın 15-dən sonra deyil, indidən rezerv etsəniz qiymət daha münasib olacaq.
Bu siyahıda qeyd edilən otellər Azərbaycan Hotellər Assosiasiyası tərəfindən 5 ulduzla təsnif edilən otellərdir. Otellərin təsnifi bir neçə kateqoriyaya görə aparılır. Bunlara təmizlik, otaqların ölçüsü, əlilliyi olan insanlar üçün xüsusi şəraitin mövcudluğu, çamaşırxana (ütü xidməti), otaq əşyaları, seyflər, havalandırma, yemək, konfrans otaqları və s. kimi meyarlar daxildir.
Onu da qeyd edək ki, ulduz təsnifatı bir otelin təklif etdiyi məhsul və xidmət səviyyəsini xarakterizə edir. Bu da onlayn rezervasiya sistemlərində çox önəmlidir. Onlar asanlıqla fərqli sistemlərə inteqrasiya oluna bilər və otaq rezervasiyası zamanı qərar qəbul etmədə aparıcı rol oynaya bilər.
