ABŞ-ın yeni seçilmiş prezidenti Donald Tramp komandasının ixtiyarında olan üç variant arasından Ukrayna üçün nizamlanma planını seçir. "Reuters" xəbər verir ki, onlardan birini ölkənin gələcək vitse-prezidenti Ceyms Devid Vens hazırlayıb.Tramp Vensin planından əlavə, Ağ Evin gələcək sahibinin köməkçisi və Ukrayna və Rusiya üzrə xüsusi elçisi kimi təklif etdiyi Keyt Kelloq, eləcə də və keçmişdə ölkənin milli kəşfiyyatının direktoru vəzifəsini icra edən Riçard Qrenelldən gələn təklifləri öyrənir. Vens və Qrenellin layihələrinin məzmunu dəqiqləşdirilməyib, lakin "Reuters" xatırladıb ki, gələcək vitse-prezident Ukrayna hakimiyyətinə yardım göstərilməsinə qarşı çıxıb, Ukraynanın NATO-ya üzvlüyünü rədd edib, eyni zamanda Ukrayna ilə sərhəddə silahsızlaşdırılmış zonanın yaradılmasının vacibliyini vurğulayıb. Qrenell həmçinin hesab edir ki, Ukraynanın Şimali Atlantika Alyansına daxil olması ABŞ-ın maraqlarına cavab vermir, lakin keçmiş kəşfiyyat rəhbəri Ukraynanın şərqində muxtar zonaların yaradılmasını dəstəkləyir. Mənbə agentliyə bildirib ki, Qrenell sentyabr ayında Nyu-Yorkda Tramp və Vladimir Zelenski arasında keçirilən görüşün iştirakçılarından biri olub.Kelloqun planının təfərrüatlarına gəldikdə isə o, Rusiya Federasiyasının danışıqlara razı olmadığı təqdirdə Ukraynaya yardımı artırmağı təklif edir.
