"Krokus Siti Holl"da baş verən terror aktı ilə əlaqədar olaraq 4 ekstremist qrupun üzvü İnquşetiyada saxlanılıb.
Musavat.com xarici mediaya istinadən xəbər verir ki, onlar terrorçulara silah-sursat tədarükü etmək və hadisədən sonra birinin qaçmasına kömək etməkdə ittiham edilirlər.
22 yaşlı Hüseyn Kulaev, 27 yaşlı Mahmud Kartoyev, 28 yaşlı Mansur Toçiyev və 35 yaşlı Maqomed Santalievin telefonlarında terrorçuları silahlandıran və bir neçə il əvvəlki cinayətlərdə iştirak edən Batır Kulaevlə bağlı yazışmalar tapılıb. Onların evlərində silah-sursat da aşkarlanıb.
Bu şəxslər "Batalhadjin" adlı ekstremist qrupun üzvləri olub və terror aktlarının təşkilində birbaşa iştirak ediblər. Onlar həmçinin bir neçə ciddi cinayətdə iştirak ediblər, o cümlədən "Nevski Ekspresi"nin partladılması və regionun "Э" mərkəzinin rəhbəri İbrahim Elçarkiyevin öldürülməsində təqsirli bilinirlər.
Afaq,
Musavat.com
