RLDP-nin qurucusu Vladimir Jirinovskinin qeyri-qanuni oğlu Oleq Eydelşteyn soyadını atasının soyadına dəyişib.
Musavat.com xəbər verir ki, bu barədə “Mash” Telegram-da yazır.
Bildirilir ki, hələ iyun ayında məhkəmə Eydelşteynin Jirinovskinin atası kimi tanınması ilə bağlı iddiasını təmin edib. Bununla belə, nəşrin məlumatına görə, RLDP-nin birinci liderinin qanuni oğlu İqor Lebedev bu qərardan apellyasiya şikayəti verib, prosesdə qalib gəlib.
Eydelşteyn jurnalistlərə müsahibəsində deyib: “Üç ildir ki, atamın oğlu olduğumu sübut etməyə çalışdığım üçün çox təəssüflənirəm”.
Bildirilir ki, Jirinovskinin atalığı tanınsa, Eydelşteyn çoxmilyonluq mirasa iddia edə bilər. Rəsmi dərc olunan məlumatlara görə, V.Jirinovski Dövlət Dumasındakı fraksiya liderləri arasında ən yüksək gəlirini dəfələrlə bəyan edib. 2020-ci ildə onun 39 milyon rubldan çox qazandığı bilinir.
Eydelşteyn 1986-cı ildə anadan olub. Onun anası Janna Qazdarova heç vaxt Jirinovski ilə rəsmi nikaha daxil olmayıb. Oleq 18 yaşına qədər anasının soyadını daşıyıb, lakin 2003-cü ildə onu RLDP-nin ilk liderinin atasının soyadına dəyişib.
Jirinovskinin nikahdankənar oğlu dəfələrlə qalmaqallara qarışıb. 2021-ci ildə o, Vnukovo hava limanında Şimali Osetiyanın keçmiş rəhbəri Vyaçeslav Bitarovun oğlu Zelimxanla dalaşıb. 2023-cü ilin fevralında isə Oleq Moskvadakı restoranlardan birində dava salıb.
Musavat.com
