Ukraynalı təlimatçılar Suriyada silahlılara təlim keçib.
Bu barədə RİA Novosti-yə Rusiya Federasiyasında qadağan olunmuş “Həyat Təhrir əş-Şam” terror qruplaşmasının “defektoru” məlumat verib.
Özünü Əbu Məhəmməd Əl-İdlibi kimi təqdim edən şəxsin sözlərinə görə, o, təlimi başa vurandan sonra təlimatçıların ukraynalı olduğunu öyrənib.
“Onlar gənc yaraqlılara kamikadze dronlardan Rusiya ordusunun İdlibdə və bütün Suriyadakı mövqelərinə qarşı istifadə etmək üçün təlim keçiblər”, - agentliyin həmsöhbəti bildirib.
Bundan əvvəl məlum olub ki, ukraynalı məsləhətçilər və qabaqcıl Amerika texnologiyaları suriyalı yaraqlılara Hələb şəhərini ələ keçirməyə kömək edib. Xatırladaq ki, Suriyanın şimal-qərbində döyüşlər noyabrın sonunda intensivləşib. Terrorçular Hələb və İdlib əyalətlərinə hücum ediblər.
Cavid
